воскресенье, 14 марта 2010 г.

Ամփոփելով ամիսը

Ամսվա կարևոր դեպքերի մասին խոսում է մամուլը

Քաղաքականություն

ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովն ընդունեց Հայոց ցեղասպանությունը դատապարտող բանաձևը 2010-03-05 00:48:57

Հիմա արդեն հերթը ԱՄՆ Կոնգրեսի լիագումար նիստինն է:

Նկատենք, որ թուրքական կողմն աննախադեպ ջանքներ էր գործադրում վիժեցնելու Ցեղասպանությունն ընդունող բանաձևի ընդունումը, սակայն, ինչպես հայտնի դարձավ, թուրքական ջանքերն ի դերևս ելան:

Վահան Շիրխանյան. Կարգավորման առաջնահերթ խնդիր կա հայություն-Թուրքիա հարաբերություններում, ոչ թե` Հայաստան-Թուրքիա 2010-03-05 17:59:38


Սոցիալ Դեմոկրատ Հնչակյան կուսակցության Կենտրոնական վարչության անդամ Վահան Շիրխանյանը` կապված ԱՄՆ Կոնգրեսի արտաքին հարաբերությունների հանձնաժողովում Հայոց Ցեղասպանության 252-րդ բանաձևի ընդունման հետ, Haynews.am-ին ասաց. <<Ընդհանուր առմամբ, արդեն 4-րդ անգամ ընդունելով` իհարկե պետք է ուրախ լինենք, չնայած նախորդ 3 անգամները վերջնական որոշման չհասան: Ինձ հայտնի չեն դրդապատճառները. եթե դրանք կապված են Թուրքիայի վրա ճնշում գործադրելու հետ, որպեսզի նա վավերացնի արձանագրությունները, ապա դրանից ես վտանգ եմ տեսնում Հայաստանի համար>>:

<<Առհասարակ, Արևմտյան Հայաստանի տարածքում կատարված Ցեղասպանության ժառանգորդները նախ և առաջ սփյուռքում ապրող 7 միլիոն հայերն են, և կարգավորման առաջնահերթ խնդիր կա հայություն-Թուրքիա հարաբերություններում, ոչ թե` Հայաստան-Թուրքիա>>,- կարծում է Վ. Շիրխանյանը:

Posted by at

Комментариев нет:

Отправить комментарий

Подписаться на: Комментарии к сообщению (Atom)